Türkmenistanyň Prezidenti ABŞ-nyň we Ýaponiýanyň işewür toparlarynyň wekilleri bilen duşuşyklary geçirdi, «Ýylyň parlak ýyldyzy – 2024» bäsleşiginiň ýeňijisi yglan edildi, Aşgabatda geçirilen «Iran Agrofood» sergisinde 60-dan gowrak eýran kompaniýasy öz önümlerini tanyşdyrdy we beýleki habarlar
Türkmenistanda
2. Türkmenistanyň Prezidenti «ITOCHU Corporation» kompaniýasynyň direktorlar geňeşiniň agzasy, ýerine ýetiriji wise-prezidenti, maşyn we enjamlar kompaniýasynyň prezidenti, Ykdysady hyzmatdaşlyk boýunça ýapon-türkmen komitetiniň başlygy Hiroýuki Subaý bilen duşuşyk geçirdi. Duşuşygyň dowamynda Türkmenistan bilen Ýaponiýanyň arasyndaky arasyndaky uzak möhletleýin strategik häsiýete eýe bolan gatnaşyklary hemmetaraplaýyn ösdürmegiň meseleleri ara alnyp maslahatlaşyldy.
3. Aşgabatda Eýran Yslam Respublikasynyň «Iran Agrofood» atly ýöriteleşdirilen sergisi geçirilýär, oňa Eýranyň oba hojalyk, azyk senagaty, logistika we beýleki pudaklaryna wekiçliklik edýän kompaniýalarynyň 60-a golaýy gatnaşýar. Sergi 18-nji dekabra çenli dowam eder. Açylyş dabarasynda Eýranyň energetika ministri Abbas Ali Abadin serginiň döwletara hyzmatdaşlygy giňeltmek we bilelikdäki taslamalary durmuşa geçirmek üçin möhümdigini aýtdy. Sergi 18-nji dekabra çenli dowam eder, serginiň myhmanlary eýran kompaniýalarynyň ýokary hilli önümleriniň we hyzmatlarynyň giň toplumy bilen tanyşyp bilerler.
4. Prezident Serdar Berdimuhamedow Ministrler Kabinetiniň Başlygynyň orunbasary T.Atahallyýewiň hem-de welaýatlaryň häkimleriniň gatnaşmagynda sanly ulgam arkaly iş maslahatyny geçirdi. Onda ýurduň welaýatlarynda we oba hojalyk toplumynda alnyp barylýan işlere, Oba milli maksatnamasynyň ýerine ýetirilişi bilen baglanyşykly meselelere garaldy . Döwlet Baştutany möwsümleýin oba hojalyk işleriniň geçirilişine berk gözegçilik etmegiň zerurdygyny belledi we geljek ýylyň hasyly üçin oba hojalyk ekinleriniň düýbüni tutmak işlerini berk gözegçilikde saklamagy tabşyrdy.
5. Gylyçdurdy Durdyýew «Ýylyň parlak ýyldyzy» atly milli aýdym-saz bäsleşiginiň baş baýragyna mynasyp boldy. Oňa göçme kubok we gymmat bahaly sowgatgowşuryldy. Bäsleşigiň jemleýji tapgyry Türkmenistanyň Alp Arslan adyndaky milli drama teatrynda geçirildi.
6. Türkmenistanyň Prezidenti Serdar Berdimuhamedow ýaş estrada we höwesjeň aýdymçy ýaşlary Türkmenistanyň «Magtymguly Pyragynyň 300 ýyllygyna» atly ýadygärlik nyşany bilen sylaglamak hakynda Karara gol çekdi. Resminama laýyklykda, sylaglar Gündogaryň beýik akyldary we nusgawy şahyry Magtymguly Pyragynyň döredijiligini, edebi mirasyny, akyldar şahyryň arzuwlan ajaýyp zamanasyny döwrebap aýdym-sazlaryň üsti bilen mynasyp wasp etmäge goşan uly goşantlaryny nazara alyp, şeýle hem Magtymguly Pyragynyň doglan gününiň 300 ýyllygy mynasybetli gowşuryldy.
Dünýäde
8. Braziliýanyň kazyýeti meşhur britan aýdymçysy Adeliň «Million Years Ago» atly aýdymynyň bütin dünýäde ýaýradylmagyny togtatmak kararyna geldi. Bu karar ähli aýdym-saz platformalaryna we paýlaýyş kanallaryna täsir etdi. Kompozitor Toninýo Geraes Adeliň aýdymynyň Martinýo da Wilanyň 1996-njy ýyldaky «Mulheres» kompozisiýasynyň göçürmesidigini aýdyp, kazyýet işini gozgady. Sazanda diňe bir aýdymyň ulanylyşynyň doly bes edilmegi bilen çäklenmän, 160 müň dollar möçberinde maliýe öwezini dolmagy hem talap edýär.
Sport täzelikleri
9. Aşgabatda Türkmenistanyň Bitaraplygynyň 29 ýyllygyna bagyşlanyp «Diplomatiýanyň altyn peýkamy» atly ýaýdan ok atmak ýaryşy geçirildi. Dostlukly bäsleşige Türkmenistanda işleýän diplomatik wekilhanalaryň we halkara guramalarynyň 40-a golaý wekili gatnaşdy. Erkekleriň arasynda Russiýanyň ilçihanasynyň ikinji sekretary Wadim Ýakowlew ýeňiş gazandy. Zenanlaryň arasynda ABŞ-nyň ilçihanasyndan Katerina Ford ýeňiji boldy. Bu ýaryş halkara diplomatiýasy we ýurtlaryň arasyndaky dostlukly gatnaşyklary berkitmek üçin täsirli gural hökmünde sportuň ornuny görkezdi.
10. Türkmenistanyň Futbol federasiýasynyň başlygy Guwançmuhammet Öwekow «Wilýarreal» futbol klubynyň akademiýasynyň wekilleri bilen wideoaragatnaşyk arkaly duşuşyga gatnaşdy. Duşuşygyň barşynda çagalar we ýetginjekler futbolyny ösdürmek boýunça tejribe alyşmagyň we hyzmatdaşlyk etmegiň mümkinçilikleri ara alnyp maslahatlaşyldy. Şeýle hem tälimçileri taýýarlamak boýunça tejribe alyşmak meselesine aýratyn üns berildi.
11. Italýanyň «Atalanta» toparynyň we Nigeriýanyň milli ýygyndysynyň ýarym goragçysy Ademola Lukman 2024-nji ýylda Afrikanyň iň gowy futbolçysy diýlip ykrar edildi. 27 ýaşly Lukman «Atalanta» klubynyň Ýewropa ligasynda ýeňiş gazanmagyna kömek etdi, ol «Baýer» bilen geçirilen final oýunda het-trik etmegi başarypdy. Ýylyň iň gowy tälimçisi adyna Kot-d'Iwuaryň milli ýygyndysynyň baş tälimçisi Emers Fae mynasyp boldy, ol ýanwar aýynda Afrikanyň Kubogyny gazanypdy.
