Halkara Bitaraplyk güni mynasybetli Türkmenistanyň ýokary okuw mekdepleriniň talyp ýaşlarynyň arasynda sportuň innowasion ugurly fijital we kibersport görnüşlerinden geçirilen ýaryşlaryň jemi jemlenilip, ýeňijileri sylaglamak dabarasy geçirildi.
Türkmen döwlet bedenterbiýe we sport institutynda sportuň hereketli we sanly, şeýle hem elektron sporty görnüşlerinden geçirilen ýaryşlar «Geljegiň oýunlary» atly halkara ýaryşynyň saýlama tapgyrlarynda çykyş etjek zehinli türgenleri ýüze çykarmakda möhüm orny eýeledi.
«Geljegiň oýunlary» fijital konsepsiýasynda sportuň adaty görnüşlerini kibersport we VR/AR tehnologiýalary bilen birleşdirýär. 2025-nji ýylda «Geljegiň oýunlary» atly halkara ýaryş Birleşen Arap Emirliklerinde, 2026-njy ýylda bolsa Gazagystan Respublikasynda geçirmek meýilleşdirilýär.
Fijital-sport boýunça ýaryşlaryň netijeleri aşakdaky görnüşe eýe boldy.
Fijital-futbol boýunça:
Türkmenistanyň Inžener-tehniki we ulag kommunikasiýalary institutynyň topary 1-nji;
Türkmen döwlet bedenterbiýe we sport institutynyň topary 2-nji;
Türkmen döwlet binagärlik-gurluşyk institutynyň topary 3-nji orunlara mynasyp boldular.
Fijital-basketbol boýunça:
Türkmen döwlet bedenterbiýe we sport institutynyň topary 1-nji;
Türkmen döwlet maliýe institutynyň topary 2-nji;
Türkmen döwlet binagärlik-gurluşyk institutynyň topary 3-nji orunlary eýelediler.
Fijital-stol tennis boýunça:
Türkmen döwlet bedenterbiýe we sport institutynyň topary 1-nji;
Türkmen döwlet maliýe institutynyň topary 2-nji;
Türkmen döwlet binagärlik-gurluşyk institutynyň topary 3-nji orunlara mynasyp bolmagy başardylar.
Fijital-küşt boýunça:
Türkmen döwlet bedenterbiýe we sport institutynyň topary 1-nji;
Türkmen döwlet ykdysadyýet we dolandyryş institutynyň topary 2-nji;
Türkmen döwlet binagärlik-gurluşyk institutynyň topary 3-nji orunlary eýelediler.
Kibersport (CS: Global Offensive) boýunça Türkmen döwlet bedenterbiýe we sport institutynyň topary 1-nji, Türkmenistanyň Telekommunikasiýalar we informatika institutynyň topary 2-nji, Halkara ynsanperwer ylymlary we ösüş uniwersitetiniň topary 3-nji orunlara mynasyp boldular.
Ýeri gelende bellesek, Türkmenistanyň Milli talyplar we elektron sport federasiýalarynyň Bilim ministrligi, Bedenterbiýe we sport baradaky döwlet komiteti bilen bilelikde guramaklarynda Türkmen döwlet bedenterbiýe we sport institutynda innowasion sport hepdeliginiň çäklerinde geçirilen fijital-küşt ýaryşlary
Türkmenistanda ilkinji gezek geçirildi. Oňa ýokary okuw mekdepleriň 18-niň wekilleri gatnaşdylar. Her toparda iki sany türgen bolup, ýaryş aýlaw görnüşinde alnyp baryldy.
Bäsleşik sanly hem-de hereketli tapgyrda geçirildi. Bije esasynda saýlanan iki topar birinji sanly tapgyrda emeli aňa garşy güýçlerini synap, ýeňiş gazanmaga synanyşdylar. Ikinji hereketli tapgyrda bolsa, adaty küşt oýuny boýunça bäsleşdiler.
Ýaryşyň jemi boýunça 57 utuk toplap, Türkmen döwlet bedenterbiýe we sport instituty 1-nji orny eýeledi. 54 utuk bilen Türkmen döwlet ykdysadyýet we dolandyryş institutynyň topary 2-nji, 52,5 utuk bilen Türkmen döwlet binagärlik-gurluşyk institutynyň topary 3-nji orunlara mynasyp boldular.
