Girmek
Saud Arabystanynyň paýtagty Er-Riýadyň täze metrosy ýekşenbede ilkinji ýolagçylary kabul etdi diýip, «Al Arabiya» teleýaýlymyna salgylanýan «Interfax.ru» habar berdi.
Metropoliteniň ilkinji tapgyrynda ugurlaryň altysyndan üçüsi goýberildi, olar şäheri demirgazykdan günorta kesip geçýän 38 kilometrlik, merkezden Patyşa Halid adyndaky halkara howa menziline çenli 29 we demirgazykdan demirgazyk-gündogara çenli 30 kilometrlik ugurlardyr.
Metronyň açylyş dabarasyna Saud Arabystanynyň Patyşasy Salman ibn Abdulaziz ibn Abdurahman Al Saud gatnaşdy. Taslama mirasdüşer Şazada Muhammed bin Salmanyň «Vision 2030» strategik maksatnamasyna laýyklykda, amala aşyryldy.
Metronyň ikinji tapgyryny 15-nji dekabrda, üçünji tapgyryny 2025-nji ýylyň 5-nji ýanwarynda açmak meýilleşdirilýär.
«Al Arabiya» teleýaýlymynyň maglumatlaryna laýyklykda, metronyň umumy uzynlygy 176 kilometre deň bolar. Ol Mekge şäheriniň ýerasty metrosyndan soňra ýurtda ikinji metro bolar.