Germaniýanyň öňki Kansleri Angela Merkel özüniň syýasata dolanmak zerurlygyny duýmaýandygyny «Pais» ispan gazetiniň habarçysy bilen söhbetdeşlikde nygtady diýip, «Report» habar berdi.
«Men 16 ýyl Kansler boldum we yzyma dolanmaklygy zerurlyk hasap etmeýärin. Meniň işjeň syýasatdaky möhletim tamamlandy» diýip, 70 ýaşly Merkel gürrüň berdi.
Ýeri gelende aýtsak, Merkel 2005-2021-nji ýyllarda Germaniýanyň Federal kansleri wezipesini eýeledi. 2000-2018-nji ýyllar aralygynda ýurduň Hristian-demokratik bileleşiginiň başlygy boldy.
