Hojalyk himiýa önümleriniň türkmen öndürijisi «Türkmen Berk–Metal» HK-nyň hünärmenleri elde we maşynda kir ýuwmak üçin niýetlenen kir ýuwujy serişdeleriň arasyndaky esasy tapawudy düşündirdiler. Kompaniýanyň bilermenleriniň bellemeklerine görä, esasy tapawut döreýän köpürjigiň düzüminde we möçberindedir: elde ýuwmak üçin niýetlenen serişdeler has köp köpürjik döredýär, awtomatiki maşynlar üçin niýetlenen ýuwujy serişdeler bolsa onuň içiniň doldurylmagynyň öňüni almak maksady bilen, düzüminde az mukdarda köpürjik döredijileri saklaýar.
Kompaniýada maşynda ýuwmak üçin pes temperaturalarda kirleri netijeli aýyrýan ýörite fermentleriň ulanylýandygyny, olaryň elektroenergiýany tygşytlamaga mümkinçilik berýändigini we matalara aýawly çemeleşýändigini bellediler. Elde ýuwmak üçin serişdeler, öz gezeginde, düzüminde elleriň derisini goraýan we amatly ulanylmagyny üpjün edýän goşundylary saklaýar.
«Türkmen Berk–Metal» HK-nyň kir ýuwujy serişdeleriniň görnüşleri
«Türkmen Berk–Metal» sarp edijilere dürli ýuwujy we arassalaýjy serişdeleri hödürleýär. Kir ýuwujy serişdeleriň hataryna 350 gramdan 25 kilograma çenli dürli gaplama görnüşlerinde elýeterli bolan meşhur «Emaý», «Güneş», «Sar», «Ari» we «Arýa» haryt nyşanlary girýär.
Kir ýuwujy serişdelerden başga-da, kompaniýa dürli görnüşli ýuwujy we arassalaýjy serişdeleri: tegmilleri aýryjylary, gaty ýerler üçin suwuk arassalaýjy serişdeleri, agardyjylar, lagymlary arassalamak üçin suwuk we tozga görnüşli serişdeleri, şeýle hem antibakterial dezinfisirleýji serişdeleri öndürýär.
«Türkmen Berk–Metal» HK sizi turkmenberk-metal.com resmi saýtynda ýa-da şäheriňizdäki dükanlarda önümleriniň ähli görnüşleri bilen tanyşmaga çagyrýar.
Habarlaşmak üçin maglumatlar:
- salgysy: Aşgabat, G.Kuliýew köç., 56-njy jaý;
- telefonlar: (+993 12) 59 51 92, (+993 64) 32 46 89, (+993 12) 76 18 60;
- sosial ulgamdaky sahypasy;
- elektron poçta: tberkmetal@gmail.com.
Şeýle-de okaň:
Fotoreportaž: Hiliň kepili: "Türkmen Berk-Metal"-yň ýuwujy serişdeleri
