Girmek
Russiýanyň Prezidenti Wladimir Putin ussat kompozitor zenan Aleksandra Pahmutowa ýurduň Zähmet Gahrymany diýen hormatly ady dakdy. Kompozitor 95 ýaşady diýip, «MIR 24» habar berýär.
Ýurduň Hökümetiniň resmi portalynda ýerleşdirilen habarda hormatly adyň Pahmutowa «Milli saz sungatyny ösdürmek bitiren aýratyn hyzmatlary, köp taraply jemgyýetçilik işi we köp ýyllyk öndürijilikli döredijilik zähmeti üçin» gowşurylýandygy bellenýär.
Aleksandra Pahmutowa SSSR-iň Halk artisti, Sosialistik Zähmetiň Gahrymany we beýleki ýokary döwlet sylaglarynyň eýesidir. Ol Nikolaý Dobronrawow bilen bilelikde ençeme ajaýyp aýdym-sazlary döretdi. 400-den gowrak saz ýazan Pahmutowanyň aýdymlaryny Muslim Magomaýew, Walentina Tolkunowa, Iosif Kobzon, Lýudmila Zykina, Edita Pýeha, Lew Leşşenko, Sofiýa Rotaru ýaly tanymal aýdymçylar ýerine ýetirdiler.