Adamzat siwilizasiýasy eger köp planetaly görnüş bolsa, halas bolup biler. Bu barada milliarder, «SpaceX» we «Tesla» kompaniýalaryny esaslandyran Ilon Mask ABŞ-nyň Prezidentligine dalaşgär Donald Trampy goldamak çäresinde eden çykyşynda aýtdy diýip, «Gazeta.ru» ýazýar.
«Siwilizasiýanyň ömrüniň dowamlylygy, eger biz köp planetaly görnüş bolsak, has uzak bolar» diýip, Mask nygtady.
Mask tebigy ýa-da antropogen heläkçiligiň tutuş planetada ýaşaýşyň ýok bolmagyna getirip biljekdigine ünsi çekdi. Ol bir gezek asman daşlarynyň dinozawrlary ýok edendigini ýatlatdy. Telekeçi şeýle wakalaryň geljekde-de bolmagynyň ähtimallygyny belledi.
Ilon Mask adamzadyň halas bolup biljek planetalarynyň biri Mars diýip, sözüniň üstüne goşdy.
