Ýabany haýwanlaryň sany 1970-nji ýyldan 2020-nji ýyla çenli 73 göterim azaldy. Bu barada Londonyň zoologiýa jemgyýeti (ZSL) ylmy žurnallaryň we beýleki çeşmeleriň maglumatlaryna salgylanyp habar berdi. Munuň üçin haýwanlaryň 5,5 müň görnüşiniň sany seljerildi. Bu barada «rg.ru» ýazýar.
Hünärmenleriň pikirine görä, ýabany haýwanlaryň sanynyň azalmagyna adamyň işi sebäp bolýar.
Ýagdaý has-da Latyn Amerikasy we Karib deňziniň ýurtlarynda ýaramaz diýip, ZSL belleýär. Bu ýerde soňky 50 ýylda haýwanlaryň sany 95 göterim kemeldi.
Bu meselede oňyn ýagdaýlar hökmünde haýwanlary goraýjylar Afrikada dag gorillalarynyň sanynyň dikelmegini getirýär, şeýle-de ýabany bizonlaryň sany artdy, olar öň ýitip ýok bolmaga golaýlapdy.
