Meşhur «Gerekli» marketpleýsi harytlar hataryna «Tecno» flagman smartfonlarynyň täze görnüşleriniň gelip gowuşandygyny habar berýär. Indi müşderiler «Gerekli» platformasyndan onlaýn sargyt etmek arkaly resmi taýdan bir ýyllyk kepillik berilýän bu smartfonlaryň islendik görnüşini satyn alyp bilerler.

Smartfony garaşaryna satyn almak üçin başlangyç tölegini geçirmeli we pasportyň we onuň nusgasyny görkezmeli.

Täze teklip ýady we reňk çözgütleri bilen tapawutlanýan «Spark» we «Camon» tapgyrlarynyň dürli modellerini öz içine alýar. Smartfonlaryň şu görnüşleri elýeterlidir:

Tecno Spark 20C — 4/128GB (170x13) we 8/128GB (205x13) wersiýalary — Gravity Black hem-de Magic Skin Green reňklerinde;

Tecno Spark Go 2024 — üç hili ýatly görnüşde: 3/64GB (150x13), 4/64GB (155x13) hem-de 4/128GB (170x13) — Gravity Black, Magic Skin Green, Mystery White we Alpenglow Gold reňklerinde;

Tecno Camon 30 — 8/256GB (390x13) gurluşda bolup, Gravity Black we Mystery White reňklerinde;

Tecno Spark 20 Pro Plus — (385x13) KJ7 8/256GB gurluşda, Gravity Black we Magic Skin Green reňklerinde;

Tecno Spark 20 — 8/128GB (220x13) we 8/256GB (245x13) wersiýalary — Magic Skin Blue, Cyber White, Gravity Black hem-de Neon Gold ýaly dürli reňklerde.

Ähli hödürlenen modeller ulanyjylara goşmaça amatlylygy üpjün edýän iki nano-SIM kartasynda işlemäge ukyply.

«Gerekli» täze gelip gowuşan «Tecno» smartfonlarynyň her biriniň resmi taýdan bir ýyl kepillik bilen hödürlenilýändigini ýatladýar. Bu bolsa müşderilerde satyn alnan enjamyň hiline bolan ynamy döredýär we näsazlyklar ýüze çykan halatynda ýüz tutmaga mümkinçilik berýär.

Mundan başga-da, garaşaryna smartfon satyn alanyňyzda siz ýakymly sowgat alarsyňyz: telefon hasabyňyza 20 manatdan 50 manada çenli pul geçirilýar.

Müşderilere amatly bolmagyny göz öňünde tutup, marketpleýs islendik saýlap alan «Tecno» smartfonyňyzy garaşaryna öýden çykmazdan tiz we oňaýly satyn almaga şert döredýän onlaýn sargyt etmek mümkinçiligini hödürleýär.

Garaşaryna satyn almak hyzmatyny onlaýn ýola goýmagy we ondan soňky tölegleri geçirmegi Google Play we App Store internet dükanlarynda ýükläp almak üçin elýeterli bolan «Gerekli» mobil goşundysy arkaly amala aşyryp bilersiňiz.

Has giňişleýin maglumat almak üçin (+993 12) 27 10 15 telefon belgisi arkaly habarlaşmak bolýar.

Tecno smartfonlary barada has giňişleýin maglumat bilen şu ýerde tanyşyp bilersiňiz.