Girmek
2024-nji ýylyň ýanwar — iýul aýlarynda Türkmenistandan Özbegistandan iň köp haly import eden döwletleriň onlugyna girdi.
Özbegistanyň Prezidentiniň ýanyndaky Statistika agentliginiň berýän maglumatlaryna görä, hasabat döwründe Türkmenistan Özbegistandan umumy meýdany 38,7 müň inedördül metre deň bolan haly satyn alypdyr. Şeýlelikde, Türkmenistan goňşy ýurtdan iň köp haly satyn alan ýurtlaryň arasynda 7-nji orny eýeläpdir.
Sanawyň ilkinji bäşliginde Azerbaýjan (1 million 226,5 müň inedördül metr), Gyrgyz Respublikasy (1 million 108 müň inedördül metr), Owganystan (807,3 müň inedördül metr), Russiýa (542,5 müň inedördül metr) hem-de Gazagystan (328,7 müň inedördül metr) ýaly ýurtlaryň ady bar.
Ýeri gelende bellesek, şu ýylyň 7 aýynda Özbegistan umumy bahasy 13 million amerikan dollaryna deň bolan 4,3 million inedördül metr halyny daşarky bazarlara eksport edipdir.