«Turkish Airlines» awiakompaniýasynyň Aşgabatda ýerleşýän satuw ofisinde ýolagçy howa gatnawy mahalynda goşlary we zatlary uçarda, şeýle hem ýanyň bilen daşamagyň düzgünleri barada gürrüň berdiler. Awiakompaniýanyň wekilleri howa gatnawlarynyň halkara düzgünlerine laýyklykda, käbir zatlary uçarda we el goşuň hökmünde ýanyňda daşamagyň gadagan edilýändigini düşündirdiler.
Uçarda we el goşuň hökmünde daşamak gadagan edilen zatlaryň hatarynda şulary bellemek bolar:
Golf üçin klýuşka, beýsbol bitasy we kriket üçin bita ýaly sport enjamlary
Ýangyn howply zatlar, şol sanda syýahat plitalary
Çümüp biljek we kesip biljek ýiti zatlar, şol sanda tikin esbaplary
«Turkish Airlines»-yň wekilleri uçuş wagtynda ýolagçylaryň rahatlygyny üpjün etmek üçin, gadagan edilen köp zatlaryň ýanyň bilen el goşy hökmünde däl-de, hasaba alynýan bagaž goşlary bölümi arkaly daşalyp bilinjekdigini bellediler.
Rugsat berlen we gadagan edilen goşlar barada has giňişleýin maglumat almak üçin ýolagçylara awiakompaniýanyň web saýtynda ýerleşdirilen çäklendirilen goşlar baradaky ýörite sahypany okamak maslahat berilýär.
«Turkish Airlines» awiakompaniýasynyň diňe bir Aşgabat bilen Stambulyň arasynda yzygiderli howa gatnawyny amala aşyrman, eýsem ýolagçylara giň halkara gatnaw ulgamyny hödürleýändigini hem ýatladýarys.
Awiakompaniýanyň kömegi bilen, Ýewropanyň joşgunly megapolisleri, ekzotik adalar ýa-da Aziýanyň gadymy şäherleri bolsun, dünýäniň islendik ýerine aňsatlyk bilen baryp bilersiňiz. Gatnaw ugurlarynyň giň saýlawy, oňaýly uçarlar hem-de ýokary derejeli hyzmat syýahatyňyzy ýatdan çykmajak pursatlara beslär.
«Turkish Airlines» uçuşlary üçin awiapetekleri awiakompaniýanyň resmi web saýtyndan, şeýle hem Aşgabatdaky şu salgyda ýerleşýän resmi ofisinden alyp bilersiňiz: G.Kulyýew köçesi, 39-njy jaý, «Ussat» binasy.
Telefon belgisi: (+993 61) 01 44 33. Elektron poçta salgysy: askabatbiletsatis@thy.com.
Şeýle-de okaň:
