«Loewe» ispan haryt nyşany dünýäde iň meşhur moda brendi hökmünde yglan edildi. Bu ugurdaky sanawy feşn-senagatda sarp ediş özüňi alyp barlyşyny seljermäge ýöriteleşen «Lyst» internet platformasynyň hünärmenleri düzdüler diýip, «Mail.ru» ýazýar.
Ispan egin-eşikçisi sanawda öňdeligi eýeläp gelen «Miu Miu» italýan önümçilikçisiniň ornuny eýeledi. Şeýle-de sanawda üçünji orunda «Prada» ýerleşdi, ilkinji bäşligi «Saint Laurent» we «Bottega Veneta» moda öýleri jemledi.
Şol bir wagtda 2024-nji ýylyň birinji çärýeginiň jemleri boýunça «Versace» we «Balenciaga» geçen ýylyň degişli döwründäkiden bir orun ýokary galdy. Sekizinji orunda «Jacquemus» brendi ýerleşdi, ondan soňra «Moncle» hem-de «Gucci» nysak öýleri gelýär.
Sanawa «Valentino», «Skims», «Burberry», «New Balance», «Louis Vuitton», «The Row», «Alaia», «JW Anderson», «Dolce & Gabbana» we «Couch» moda öýleri düşdi.
