Döwletjan Ýagşymyradowyň geçirjek ýarymfinal tutluşygynyň güni belli boldy

Garyşyk söweş sungatynyň PFL ligasynyň türkmenistanly wekili Döwletjan Ýagşymyradow nobatdaky tutluşygyny ýene bir aýdan ― 17-nji awgustda geçirer.

Mälim bolşy ýaly, Döwletjan umumy baýrak gaznasy 1 million amerikan dollary bolan ligada ýarymfinala çykmagy başardy. Onuň ýarymfinaldaky garşydaşy awstraliýaly türgen Rob Uilkinson bolar.

Promouşen bu gezekki tutluşyklary Golliwud şäherinde geçirmegi meýilleşdirýär. Ýagşymyradow ― Uilkinson tutluşygynyň şol gün Aşgabat wagty bilen, takmynan, 06:00 töwereklerinde başlanmagyna garaşylýar.

Ýagşymyradow ýarymfinala kamerunly Simon Biýongy ýeňip çykan bolsa, Uilkinson çärýekfinalda ABŞ-ly Joşua Silweýrony ýaryşdan çykardy.

Bu tutluşykdan başga-da, ýarymfinalda Kasaganaý (ABŞ) ― Silweira (ABŞ), Rabadanow (Russiýa) ― Dufort (Kanada) we Primus (ABŞ) ― Kollard (ABŞ) tutluşyklary bolar.

Afişa

Makalalar