Russiýaly artist Ýewgeniý Petrosýan režissýor Leonid Gaýdaýyň «“Y” operasiýasy» atly meşhur komediýasynda Şurigiň keşbini ilki özüne teklip edendigini gürrüň berdi.
Ol bu barada ýurduň teleýaýlymlarynyň biriniň «Sen ynanmarsyň» gepleşiginde ýatlady diýip, «Mail.ru» ýazýar.
«Gaýdaý Şurigiň keşbinde diňe meni görýärdi. Men 19 ýaşymdadym, keşbe tüýs laýyk gelýärdim» diýip, Petrosýan nygtady.
Artist şol wagt Aleksandr Demýanenkonyň 10 ýaş uludygyny, Gaýdaýyň bolsa Şurigiň keşbinde has ýaş aktýory görmek isländigini ýatlady. Petrosýan Şurigiň keşbini romantiki gahryman hasaplandygyny, özüni diňe gülküli keşpleriň gyzyklandyrandygyny sözüniň üstüne goşdy.
