Dünýäde iň ygtybarly awtoulaglaryň sanawy belli boldy. Sanawy «HotCars» portaly düzdi diýip, «Gazeta.ru» ýazýar. Oňa hiç hili kynçylyksyz 805 müň kilometrden köp menzil geçmäge ukyply ulaglar girdi.
Sanawyň başyny 2010–2015-nji ýyllarda çykarylan Hyundai Elantra kysymly ulaglar çekdi. Ol 1,6 litrlik 132 at güýjüne deň hereketlendirijili bolup, 1,6 million kilometrlik aralygy geçmäge ukyplydyr.
Ikinji orunda Chevrolet Silverado (1988–2002-nji ýyllarda çykarylan) pikaby, üçünji ýerde Ford Super Duty (2011–2016 ýý) ýerleşdi.
Ilkinji bäşlige şeýle-de Toyota Tacoma (2005–2015 ýý) we Porsche 911 Turbo (1973–1989 ýý) girdi.
Sanawda olardan soňra Honda Accord (1990–1993 ýý), Mercedes-Benz E-Class (1993–1996 ýý) we Chevrolet Corvette (1997–2004 ýý) ýerleşýär. Volkswagen Golf (2003–2008 ýý), Nissan Frontier (2005–2007 ýý), Mazda MX-5 (1989–1997 ýý) we Ford Mustang (1964–1973 ýý) olardan biraz pes netije bilen sanawda orun aldy.
