22-nj maýda Ýewropa ligasynyň 2023/2024-nji ýylky möwsüminiň final oýny geçirildi. Dublin şäherindäki «Awiwa» stadionynda geçirilen oýunda Italiýanyň «Atalanta» kluby Germaniýanyň «Baýerini» 3:0 hasabynda ýeňlişe sezewar etdi. Netijede italýan kluby öz taryhynda ilkinji gezek Ýewropanyň klublaryň arasyndaky ýaryşynda kuboga mynasyp boldy.
Ýeňiş gazanan toparyň düzümindäki gollaryň üçüsi hem Ademola Lukman (12, 26, 75) tarapyndan derwezä gönükdirildi.
Ýeri gelende bellesek, Habi Alonsodan tälim alýan «Baýer» şu möwsümde ilkinji gezek ýeňlişe sezewar boldy. Şeýlelikde, «Baýeriň» 51 oýunlap dowam eden ýeňlişsiz ýörişi tamamlandy. Lewrkuzen şäherine wekilçilik edýän topar Ýewropa ligasynyň finalyna çenli 42 oýunda ýeňiş gazanyp, 9 duşuşykda deň oýnapdy.
