22-nji maýda garyşyk söweş boýunça türkmenistanly pälwan Döwletjan Ýagşymyradow 35 ýaşady. Lebap welaýatynyň Çärjew etrabynda önüp-ösen Döwletjan ilkinji üstünligini heniz 11 ýaşyndaka karate boýunça Türkmenistanyň çempionatynda gazanypdy.
Ol professional ringe ilkinji gezek 2021-nji ýylda çykdy. Höwesjeňler ligasyndan dünýäniň iň meşhur promouşenlerine çenli kämilleşen Döwletjanyň MMA-däki tutluşyklarynda 22 ýeňiş, 7 utulyş we bir sany deňlik bar.
Döwletjanyň özi häzirki wagtda 22-nji iýun güni PFL ― 5-iň çäginde kamerunly pälwan Simon Biýong bilen geçirjek tutluşygyna taýýarlanýar.
Döwletjan ahyrky tutluşygyny 13-nji aprelde PFL ― 2 agşamynda sloweniýaly Ýakob Nedo bilen geçirip, tehniki nokaut arkaly ýeňiş gazanypdy.
Şu salgyda ýerleşdirilen uly göwrümli söhbetdeşlik arkaly meşhur pälwanyň maksatlary bilen tanşyp bilersiňiz.
