2024-nji ýylyň 14-nji maýynda «Türkmenistanyň Ulag-logistika merkezi» açyk görnüşli paýdarlar jemgyýetiniň gurnamagynda Türkmenbaşy Halkara howa menziline tehniki gonuşlary amala aşyrmak we üstaşyr täjirçilik gatnawlary ýerine ýetirmek arkaly Stambul şäherinden gelýän ýükleri «MNG Havayollari ve Taşimaçilik A.Ş.» kompaniýasynyň howa gämilerinden düşürip, Türkmenbaşy Halkara howa menzilinden awtoulaglara geçirip multimodal görnüşde Gazagystan Respublikasynyň Aktobe şäherine ugradyldy. Bu gatnawyň dowamynda diňe üstaşyr täjirçilik gonuş bilen çäklenmän awia ýangyç guýmak hyzmatlary hem ýerine ýetirildi.
Gelejekde Türkmenbaşy Halkara howa menziliniň üsti bilen hepdelik multimodal gatnawlary amala aşyrmak meýilleşdirilýär.
