Arkadag şäheriniň adybir futbol topary Türkmenistanyň çempionatynyň dowam edýän möwsümindäki 12-nji ýeňşini gazandy. Topar düýn 14-nji tapgyryň çägindäki duşuşykda «Aşgabady» 7:1 hasabynda ýeňdi.
Aslynda, «Aşgabat» 4-nji minutda Begmyrat Pirkulyýewiň dürs ýerine ýetiren 11 metrlik jerime urgusy bilen öňe-de saýlanypdy, ýöne Didar Durdyýewiň het-trigi, Begmyrat Baýowyň dubly we Welmyrat Ballakow bilen Begenç Akmämmedowyň geçiren gollary «Aşgabady» uly hasap bilen utulmaga mejbur etdi.
Tapgyrda «Ahal» bilen «Altyn asyryň» arasyndaky duşuşygyň deňlikde tamamlanmagy peýdasyny «Arkadag» toparyna ýetirdi. Ýaryşyň lideri indi iň ýakyn bäsdeşinden 11 utuk öňde. «Arkadag» toparynyň 36, «Ahalyň» bolsa 25 utugy bar. 16 utukly «Aşgabat» bolsa altynjy orunda galdy.
Indiki tapgyrda «Arkadag» topary «Köpetdagyň» myhmany bolar. «Aşgabat» bolsa «Altyn asyry» kabul eder.
“Arkadag” – “Aşgabat” – 7:1
Gollar: 10 Welmyrat Ballakow, 45+2 Begenç Akmämmedow, 52, 87 Begmyrat Baýow, 54, 56, 63 Didar Durdyýew – 4 (11 m.j.u.) Begmyrat Pirkulyýew.
