Eýranyň Prezidenti Ebrahim Raisi 22-24-nji aprelde resmi sapar bilen Pakistana barar. Bu barada Pakistanyň Daşary işler ministrligi habar berdi diýip, «Report.az» ýazýar.
Raisiniň ýanynda sapar wagty aýaly hem-de ýurduň ýokar wezipeli ýolbaşçylaryndan ybarat bolan wekilçilikli topar bolar. Toparyň düzüminde EYR-niň DIM-niň başlygy Hoseýn Amir Abdollahiýan we hökümetiň beýleki agzalary, şeýle-de işewürler bar.
Saparyň dowamynda Eýranyň döwlet Baştutany Pakistanyň Prezidenti Asif Ali Zardari we Premýer-ministr Şahbaz Şarif bilen duşuşar. Raisi şeýle-de Lahora we Karaçä barar.
Sapar wagtynda eýran-pakistan gatnaşyklaryny ösdürmek, söwda, aragatnaşyk, energetika, oba hojalyk ugurlarynda hyzmatdaşlygy berkitmek barada pikir alşylar.
