Girmek
Türkmenistanyň Içeri işler ministrliginiň «Galkan» hokkeý topary Aşgabat şäherinde geçirilýän hokkeý boýunça halkara ýaryşa üstünlikli girişdi. Türkmenistanyň dokuz gezek çempiony bolan topar ilkinji duşuşygynda Bahreýniň adybir hokkeý toparyny 8:1 hasabynda ýeňdi.
Duşuşykda «Galkanyň» şaýbalaryny Nowruz Baýhanow, Pawel Barkowskiý, Aleksandr Wahowskiý, Begenç Döwletmyradow, Arslan Geldimyradow, Döwlet Hydyrow, Arslan Nuryýew we Baýmyrat Baýmyradow dagylar geçirdi.
«Galkan» «A» toparçada ýaryşýar. Bu toparçada «Galkan» bilen «Bahreýnden» başga-da, Özbegistanyň «Feniks», Omanyň «Oman Nationals» we Eýranyň «Ice Box» toparlary hem bar.