Russiýanyň Merkezi saýlaw topary Prezident saýlawlarynda saýlaw býulletenleriniň 100 göterim sanalandygyny habar berdi.
Prezident saýlawlaryna 87 milliondan gowrak adam gatnaşdy, bu 77 göterimden sähel köpdür. Bu barada maglumatlary MST-niň başlygy Ella Pamfilowa metbugat brifinginde habar berdi diýip, «MIR 24» ýazýar.
Saýlaw býulletenleri elektron ses bermegi goşmak bilen, 100 göterim sanaldy. Ýurduň häzirki Prezidenti Wladimir Putin sesleriň 87,28 göterimden gowragyny aldy. Ikinji orunda 4 göterimden biraz köp ses bilen Nikolaý Haritonow, üçünji orunda 3,80 göterim ses bilen Wladislaw Dawankow ýerleşdi. Dalaşgär Leonid Sluskiý 3,21 göterim ses aldy.
Pamfilowa Prezident saýlawlaryna gatnaşygyň 1991-nji ýyldan bäri rekord derejede— 77 göterimden hem köp bolandygyny habar berdi.
