Girmek
Italiýanyň «Inter» topary Ýewropanyň Çempionlar ligasynyň 1/8 final tapgyrynyň deslapky oýnunda Ispaniýanyň «Atletiko» klubuny ýeňlişe sezewar etdi. Milan şäherindäki «Juzeppe Meýassa» stadionynda geçirilen oýun 1:0 hasabynda tamamlandy.
«Interiň» düzüminde ýeňiş getiren ýeke-täk goly Marko Arnautowiç derwezä ýollady.
ÝÇL-iň 1/8 final tapgyryndan orun alan günüň beýleki oýnunda «Borussiýa» (Dortmund) myhmançylykda «PSW» bilen deň oýnady. Bu jübütleriň arasyndaky jogap oýunlary 13-nji martda degişlilikde, Madrid we Dortmund şäherlerinde geçiriler.
Ýeri gelende bellesek, ýaryşyň häzirki çempiony Angliýanyň «Mançester Siti» kluby hasaplanýar. Iňlis kluby geçen ýylky finalda «Interi» ýeňlişi sezewar edipdi.
ÝÇL-iň şu möwsüminiň finaly 1-nji iýunda London şäherindäki «Uembli» stadionynda geçiriler.