Girmek
Golliwudyň ýyldyzy Jon Trawolta 70 ýaşyny belledi. Ol 1954-nji ýylyň 18-nji fewralynda Amerikanyň Nýu-Jersi ştatynyň Englwud şäherinde doguldy. Kakasy amerikan futbolynyň oýunçysydy, ejesi aýdymçy we aktrisady. Trawolta aktýor bolmak üçin 16 ýaşynda mekdebi taşlady. Ol teatr oýunlarynda çykyş etdi, teleseriallarda surata düşdi.
1975-nji ýylda Jon Trawolta «Dowzah ýagyşy» atly elhençlikler filminde surata düşdi, «Kerri» atly trillerde surata düşüp, tanalyp başlady. Aktýor «Şenbe agşamynyň ysytmasy» atly filmde tansçynyň keşbini döredendigi üçin «Oskar» we «Altyn globus» baýraklaryna dalaşgärlige hödürlendi.
1994-nji ýylda Kwentin Tarantinonyň «Jenaýatçylykly çyrşama» atly filminde ýerine ýetiren keşbi oňa bütin dünýäde meşhurlyk getirdi.
Jon Trawolta kinoda 60-dan gowrak filmde we 20 sany teleserialda keşp döretdi.
Aktýor häzir seýrek kino düşýär diýip, «MIR 24» ýazýar.