Girmek
Türkmenistanyň Prezidenti Serdar Berdimuhamedow 9-njy fewralda geçirilen giňişleýin Hökümet mejlisinde Daşoguz welaýatynyň käbir etraplaryna täze häkimleri wezipä belledi.
TDH-nyň habar bermegine görä, döwlet Baştutanynyň gol çeken degişli Permanlaryna laýyklykda:
Annamuradow Dowletgeldi Meretgeldiýewiç, özüne ynanylan wezipäni oňarmandygy üçin, Daşoguz welaýatynyň Boldumsaz etrabynyň häkimi wezipesinden boşadyldy. Bu wezipä Welmyrat Ýagşymyradowiç Saparmyradow bellenilip, ol Daşoguz welaýatynyň häkiminiň orunbasary wezipesinden boşadyldy.
Daşoguz welaýatynyň Akdepe etrabynyň häkimi Şyhmyrat Esenowiç Annaýew, başga işe geçmegi sebäpli, eýeleýän wezipesinden boşadyldy.
Welaýatyň Akdepe etrabynyň häkimi wezipesine Ýagşygeldi Esenowiç Gowşudow bellenildi.