Şazada Uilýam kakasy, Beýik Britaniýanyň Patyşasy Karl III düwnük keseline ýolugmagy sebäpli, onuň jemgyýetçilik işi bilen bagly borçlarynyň bir bölegini öz egnine alyp biler. Bu barada «Sky News» teleýaýlymyna salgylanýan «Belta.by» saýty ýazýar.
Konstitusion işleri bolsa Karl III özi ýerine ýetirer. Monarh şeýle hem Premýer-ministr Rişi Sunak bilen her günki kabul edişligi dowam eder. Lukmanlaryň maslahat berşi ýaly, ol kabul edişlikler wideoaragatnaşyk arkaly bolar.
Öň Bukingem köşgi Beýik Britaniýanyň Patyşasynda düwnük keseliniň anyklanandygyny habar berdi.
Karl III keseli bilen baglylykda, onuň kiçi ogly şazada Garriniň ABŞ-dan watanyna gaýdyp gelendigini «The Sun» gazeti habar berýär.
