Girmek
Türkmenistanyň Belgiýadaky Adatdan daşary we Doly ygtyýarly ilçisi Sapar Pälwanow Özbegistanyň Belgiýadaky täze bellenen ilçisi Gaýrat Fozilow bilen duşuşdy. 5-nji fewralda geçirilen duşuşykda taraplar iki ýurduň arasyndaky hyzmatdaşlygy giňeltmegiň geljegini ara alyp maslahatlaşdylar.
Türkmenistanyň Belgiýadaky diplomatik wekilhanasynyň metbugat gullugynyň habar bermegine görä, diplomatlar iki tarapyň hem Ýewropa Bileleşigi bilen Merkezi Aziýanyň arasyndaky hyzmatdaşlygyň ösüşini goldaýandyklaryny mälim etdiler. Şunuň bilen baglylykda, degişli görnüşdäki hyzmatdaşlygyň işjeň häsiýete eýedigi hem-de hyzmatdaşlyk babatda täze sepgitlere ýetýändigini aýratyn bellediler.
Mundan başga-da, taraplar howpsuzlyk, ykdysadyýet, söwda, daşky gurşaw, bilim, ylym we innowasiýa ýaly ugurlarda hyzmatdaşlygy ösdürmegiň meseleleri boýunça hem pikir alyşdylar.