Soňky habarlar

Köp adamyň sport zalyna gitmäge wagty ýok ýa-da olar öýde gündelik sport bilen meşgullanmagy makul bilip, bu maksat bilen öýünde türgenleşik burçuny döredýär. Bu ýagdaýda Aşgabatdaky «Alem Sport enjamlar & aksessuarlar» dükany kömege gelýär, bu ýerde az ýer tutýan we kiçi öýlerde-de aňsatlyk bilen oturdylýan ykjam türgenleşik enjamlary ýaly dürli görnüşli sport harytlary hödürlenýär.

Alyjylar bu ýerde esasy köpugurly sport enjamlaryny saýlap bilerler. Mysal üçin, gimnastika ýa-da pilates üçin hem ulanylyp bilinjek ýoga halyçasy, güýç we aerobika maşklary üçin ganteller, halka (hula-hup); step aerobika üçin platformalar, ştangalar, espander, bökmek üçin ýüp, fitbol. Bu enjamlar maşklary çylşyrymlylaşdyrmaga, hereketleriň sazlaşygyny we deňagramlylygy ösdürmäge mümkinçilik berýär.

Öý üçin türgenleşik enjamlary

Diwara gurnalýan «üçüsi birde» maşk esbaby. Ony turnik ýa-da bruslar hökmünde ulanyp, pressleri, arka myşsalary, bisepsleri we trisepsleri türgenleşdirmek mümkindir. Türgenleşik wagtynda rahatlyk üçin maşk esbaby ýumşak arkalyk we tirseklikler bilen enjamlaşdyrylandyr. Maşk esbaby diwara berkidilýär we hiç hili ýer tutmaýar, şol bir wagtyň özünde ol güýç maşklarynyň toplumyny ýerine ýetirmäge mümkinçilik berýär.

Ygtybarly dünýä öndürijileriniň eplenýän ylgaw enjamlary aýratyn meşhurlyga eýe bolup, howa şertlerine garamazdan, öýde islän wagtyňyz maşk etmäge mümkinçilik berýär. Olar uly bolmadyk göwrümi we agramy bilen tapawutlanýarlar, bu bolsa olary öýde ýerleşdirmegi aňsatlaşdyrýar. Öý üçin ykjam ylgaw enjamlary dürli funksiýalar we programmalar bilen üpjün edilendir, bu bolsa diňe bir ylgawy täsirli etmän, eýsem, türgenleşikde gazanýan üstünlikleriňizi hem yzarlamaga kömek edýär.

«Alem Sport enjamlar & aksessuarlar» dükanynyň tejribeli satuw geňeşçileri müşderilere öýdäki türgenleşikleriň mümkin boldugyça ýakymly, rahat we howpsuz, olaryň peýdasynyň bolsa iň ýokary derejede bolmagy üçin dogry enjamy saýlamaga kömek ederler.

Habarlaşmak üçin maglumatlar: