Girmek
Türkmenistanyň paýtagtynda şu gün «Arkadag Serdarly bagtyýar ýaşlar» ýylynyň jemlerine bagyşlanan halkara ylmy-amaly maslahat we sergi dabaraly ýagdaýda açyldy.
Söwda-senagat edarasynyň binasynda geçirilýän giň gerimli forum Aşgabadyň döredijilik toparlarynyň baýramçylyk ruhuny emele getiren çykyşlary bilen başlandy.
Foruma gatnaşanlar Türkmenistanyň Prezidenti Serdar Berdimuhamedowyň ýollan Gutlagyny uly üns bilen diňlediler. Döwlet Baştutany ýurduň ýolbaşçylarynyň ýaş nesliň Watanyň durmuşynyň ähli ugurlaryna işjeň gatnaşmagy üçin şert döretmek bilen, döwlet ýaşlar syýasatyny yzygiderli durmuşa geçirýändigini aýtdy.
Soňra myhmanlar Türkmenistanyň ýaşlarynyň ýylyň bütin dowamynda gazanan üstünliklerini görkezýän köpugurly sergi bilen tanyşdylar.
Foruma ministrlikleriň, edaralaryň, jemgyýetçilik guramalarynyň, BMG-niň gurluşlarynyň we beýleki halkara birleşikleriň wekilleri gatnaşýar.
Ozal Türkmenistanda geçýän ýörite halkara ylmy-amaly maslahatyň we serginiň yaslarforum.gov.tm web sahypasynyň açylandygy habar beripdik.