Ispaniýada Santa-Klauslaryň ylgawy geçdi, Madridiň ýaşaýjylarydyr myhmanlary bu iri haýyr-sahawat çäresine gatnaşdy diýip, «MIR 24» habar berýär.

Ýöriş şäheriň taryhy merkezinde guraldy, onuň uzynlygy 4,5 kilometr boldy. Badalga tutuş maşgalasy bilen gelenlerem kändi, öz eýeleri bilen hatda öý haýwanlary-da ylgadylar.

12-nji gezek guralýan Roždestwo ylgawyndan alnan pullar Ispaniýanyň Gyzyl Haç guramasyna geçiriler.