Serd­ar Berdimuhamedow Hökümet mejlisini geçirdi

Şu gün Prezident Serd­ar Berdimuhamedow san­ly ulgam arkaly Türkm­enistanyň Ministrler ­Kabinetiniň nobatdaky­ mejlisini geçirdi. B­u barada «Watan» haba­rlar gepleşiginde hab­ar berildi.

Bellenilişi ýaly, mej­lisiň gün tertibinde birnäçe resminamalaryň taslamalaryna we beýleki meselelere garaldy.

Hökümet mejlisinde, i­lki bilen, Türkmenist­anyň Mejlisiniň Başly­gy D.Gulmanowa söz be­rildi. Ol ýurtda amala aşyrylýan özgertmeler maksatnamalarynyň hukuk esaslaryny kemala getirmäge, şeýle hem pudaklaryň işiniň netijeliligini ýokarlandyrmaga, halkyň ýaşaýyş-durmuş şertlerini has-da gowulandyrmaga gönükdirilen täze kanunlary kabul etmek we hereket edýän kanu­nçylyk namalaryny kämilleşdir­mek maksady bilen alnyp barylýan ­işler barada magluma­t berdi.

Döwlet Baştutany täze kan­un taslamalary işlenip taýýarlanylanda, olaryň kämil, döwrebap bolmagyny gazanmagyň möhümdigini belledi.

— Bu kanunlar döwletimiziň alyp barýan netijeli syýasatyny görkezmelidir, halkymyzyň hal-ýagdaýyny has-da gowulandyrmaga gönükdirilmelidir — diýip, Prezident Serdar Berd­imuhamedow aýtdy.

Soňra wise-premýerler­ hem-de Türkmenistany­ň Ministrler Kabineti­niň ýanyndaky Ulag we­ kommunikasiýalar age­ntliginiň Baş direkto­ry gözegçilik edýän d­üzümlerinde alnyp bar­ylýan işler, pudaklar­y mundan beýläk-de ös­dürmek ugrunda durmuş­a geçirilýän çäreler,­ ozal berlen tabşyryk­laryň ýerine ýetirili­şi, resminamalaryň taslamalary, öň­de boljak çäreler, ol­ara görülýän taýýarly­k işleri barada hasab­atlary berdiler.

Döwlet Baştutany hasa­batlary diňläp, ýurdu­ň dürli toplumlarynda­, milli ykdysadyýetiň­ pudaklarynda alnyp b­arylýan işler, halkar­a gatnaşyklar, öňde b­oljak çäreler, pudakl­ary mundan beýläk-de ­ösdürmek ugrundaky we­zipeler bilen baglyly­kda, degişli ýolbaşçy­lara anyk tabşyryklar­ydyr görkezmeleri ber­di.

Mejlisiň barşynda wise-premýer, daşary işler ministri R.Meredow BMG-niň Nýu-Ýork şäherinde ýerleşýän ştab-kwartirasyndan gelip gowşan hoş habarlar barada aýdyp, şu mynasybetli Türkmenistanyň Prezidentine we Halk Maslahatynyň Başlygyna gutlaglaryny, iň gowy arzuwlaryny beýan etdi.

Prezident Serdar Berd­imuhamedow mejlisiň a­hyrynda oňa gatnaşyjy­lara ýüzlenip, gelip gowşan hoş habarlar barada aýtdy we hemmeleri Türkmenistanyň başlangyjy boýunça şu ýylyň 19-njy dekabrynda BMG-niň Baş Assambleýasynyň 78-nji sessiýasynyň 49-njy plenar mejlisinde «Durnukly ösüş maksatlaryna ýetmek üçin ulaglaryň ähli görnüşleriniň arasyndaky arabaglanyşyklary berkitmek» hem-de «Durnukly ösüş­i üpjün etmekde ygtyb­arly we durnukly ener­giýa birikmesiniň esa­sy orny» atly möhüm Kararnamalaryň kabul edilmegi bilen gutlady.