Soňky habarlar

Arhiw

Türkmen ýaşlary Hytaýa we Wengriýa okuwa iberiler

04:0616.12.2023
2
63186

Şu gün sanly ulgam arkaly geçirilen nobatdaky Hökümet mejlisinde wise-premýer N.Amannepesow 2024-2025-nji okuw ýylynda Hytaý Halk Respublikasynyň we Wengriýanyň ýokary okuw mekdeplerine ýaşlary ibermegiň mümkinçiligi barada hasabat berdi. Bu barada «Watan» habarlar gepleşiginde habar berildi.

Wise-premýeriň hasabatynda bellenilişi ýaly, Türkmenistanyň Bilim ministrligi bu ýurtlaryň ýokary okuw mekdeplerinde maglumat tehnologiýalary, saglygy goraýyş we lukmançylyk ylymlary, bilim we pedagogika ylymlary, oba hojalygy we oba hojalyk ylymlary, inženerçilik işi, tehnologiýalar we tehniki ylymlar, matematika we tebigy ylymlar ugurlary boýunça hünärmenleri taýýarlamagy maksadalaýyk hasaplaýar.

Prezident Serdar Berdimuhamedow hasabaty diňläp, halkara hyzmatdaşlygy, şol sanda bilim ulgamyndaky gatnaşyklary mundan beýläk-de pugtalandyrmagyň zerurdygyna ünsi çekip, daşary ýurtlaryň ýokary okuw mekdeplerinde okamak üçin ýurduň mynasyp ýaşlaryny ibermegiň wajypdygyny nygtady we bu babatda wise-premýere birnäçe tabşyryklary berdi.

Teswirler
Teswir ýazmak üçin içeri giriň ýa-da registrasiýa boluň
Pahreddinowa ( 17.12.2023 )

Salam, hacandan baslarlar? Egzamenleri hacan gecirerlerka? O barada hic zat diymedilermi?

0
bkakamyradova ( 17.12.2023 )

Okuwa registrasiýalar haçan başlaýarka?

0