Çarşenbe güni Ankaranyň merkezindäki iň beýik binalaryň birinde - Türkiýäniň Söwda-senagat palatalarynyň we alyş-çalyş birleşiginiň binasynda Türkmenistanyň Döwlet baýdagy şekillendirildi.
Türkmenistanyň Garaşsyzlygynyň 32 ýyllygyna bagyşlanan bu dostlukly hereket türkmen-türk hyzmatdaşlygynyň ýokary derejesini görkezdi diýip, «ORIENT» Türkiýedäki türkmen ilçihanasyna salgylanyp habar berdi.
140 metr beýiklikdäki Türkiýäniň Söwda-senagat palatalary we alyş-çalyş birleşigi Ankaradaky iň beýik binalaryň biri hem-de Türkiýäniň söwda merkezi bolup durýar.
Şeýle hem, çeşmäniň habaryna görä, Türkmenistanyň Garaşsyzlyk güni mynasybetli Türkiýäniň Newşehir şäherinde birnäçe çäreler geçirildi diýlip, habarda bellenilýär.
