Türkmen wekiliýetiniň Fransiýa eden sapary wagtynda, Türkmenistanyň Döwlet daşary ykdysady iş bankynyň başlygy Rahimberdi Jepbarowyň gatnaşmagynda Arap we fransuz banklary bileleşigi — U.B.A.F. bilen hyzmatdaşlyk şertnamasy baglaşyldy.

Ylalaşyk eksport-import amallaryny maliýeleşdirmek, Türkmenistan bilen Fransiýanyň arasynda söwda we ykdysady hyzmatdaşlygy ösdürmek, şeýle hem Türkmenistanyň ykdysadyýetine maýa goýumlaryny çekmek babatynda hyzmatdaşlygy göz öňünde tutýar.