Türkmenistanyň Ministrler Kabinetiniň ýanyndaky Ulag we kommunikasiýa agentliginiň Baş direktory Mämmethan Çakyýew şu gün Duşanbe şäherinde geçirilen Merkezi Aziýa ýurtlarynyň ulag ministrleriniň ilkinji ýygnagynda türkmen tarapyna wekilçilik edýär.
Täjigistan Respublikasynyň ulag ministri Azim Ibrohimiň ýolbaşçylygyndaky duşuşyga Gazagystan Respublikasynyň ulag ministri Marat Karabaýew we Özbegistan Respublikasynyň ulag ministri Ilham Mahkamow hem gatnaşdy. Bu barada Täjigistanyň ulag ministrligi habar berýär.
Sebitiň ýurtlarynyň ulag ministrleri Merkezi Aziýada ulag pudagynda hyzmatdaşlygy güýçlendirmek we giňeltmek baradaky tekliplerini aýtdylar. Duşuşykdan soň ulag we logistika pudagyndaky hyzmatdaşlyk barada bilelikdäki beýannama gol çekildi.
Merkezi Aziýa ýurtlarynyň ulag ministrleriniň ilkinji ýygnagy 14-15-nji sentýabrda boljak Merkezi Aziýa döwletleriniň Baştutanlarynyň bäşinji konsultatiw duşuşygynyň çäklerinde geçirildi.
