Girmek
Türkmenistanyň futbol çempionatynyň Ýokary ligasynyň 16-njy tapgyrynda şu möwsümdäki iň kän golly duşuşyk hasaba alyndy. Büzmeýinde «Altyn asyr» bilen «Aşgabadyň» arasynda geçirilen duşuşykda janköýerler derwezelere 9 pökginiň girilmegine şaýat boldular.
Duşuşyk Türkmenistanyň at gazanan tälimçisi Ýazguly Hojageldiýewiň şägirtleriniň 7:2 hasabyndaky ýeňşi bilen tamamlandy. Myrat Annaýewiň iki gezek tapawutlanan duşuşygynda «aragatnaşykçylaryň» beýleki gollaryny Wahyt Orazsähedow, Selim Nurmyradow, Hoşgeldi Hojowow dagylar we «Aşgabadyň» futbolçysy Begmyrat Arbatow geçirdi. «Aşgabatdan» bolsa Şatlyk Gurbanow bilen Hydyrgeldi Atjanow tapawutlandy.
Bu duşuşykdan soň utugyny 29-a çykaran «Altyn asyr» 36 utukly «Arkadag» bilen aralygy 7 utuga çenli ýygyrdy. 16 utukly «Aşgabat» bolsa diňe bir uly hasaply utulyş bilen däl, eýsem, ýaryş tertibinde ýene bir basgançak aşak düşmegiň ― altynjylyga gelmegiň hasratyny çekmeli boldy.
«Altyn asyr» – “Aşgabat” – 7:2
Gollar: 10, 63 (11 m.j.u.) Myrat Annaýew, 25 Wahyt Orazsähedow, 67, 84 Selim Nurmyradow, 70 Hoşgeldi Hojowow, 81 Begmyrat Arbatow (öz derwezesine) – 31 Şatlyk Gurbanow, 73 Hydyrgeldi Atjanow.