Girmek
18 — 26-njy awgust aralygynda Gazagystan Respublikasynyň Astana şäherinde Taekwondo (ITF) boýunça geçirilýän dünýä çempionatyna Türkmenistanyň ýygyndy topary netijeli çykyş edýär.
Ýygyndy toparyň düzümi 10 sany türgenden, 2 sany tälimçiden, 1 sany halkara derejeli eminden ybaratdyr. Bu dünýä çempionatyna jemi 82 döwletden 1000-e golaý türgen gatnaşýarlar.
Türkmenistanyň Taekwondo (ITF) boýunça ýygyndy toparynyň türgeni, Mary welaýatynyň bedenterbiýe we sport baradaky Baş müdirliginiň Mary şäheriniň 3-nji sport mekdebiniň tälimçisi Orazmyrat Çaryýew 18 — 34 ýaşdaky gara guşak III dan erkekleriň arasynda Tul görnüşi boýunça altyn medala mynasyp boldy.
Şeýle hem Türkmenistanyň Taekwondo (ITF) boýunça ýygyndy toparynyň türgeni, Mary welaýatynyň bedenterbiýe we sport baradaky Baş müdirliginiň Mary şäheriniň 5-nji sport mekdebiniň tälimçisi Annamyrat Goşanyýazow 18 — 34 ýaşdaky gara guşak IV dan erkekleriň arasynda Tul görnüşi boýunça bürünç medal gazanmagy başardy.
Türkmenistanyň ýygyndysynyň dünýä çempionatyndaky çykyşlary dowam edýär.