«Bawariýa» Bundesliganyň birinji tapgyrynda myhmançylykda «Werderi» derbi-dagyn etdi. Oýun 4:0 hasabynda mýunhen toparynyň ýeňşi bilen tamamlandy. Duşuşykda Angliýanyň milli ýygyndysynyň kapitany Garri Keýn «Bawariýanyň» düzümindäki debýut goluny urdy. Oýun anna güni Bremen şäherinde geçirildi. Keýn oýnuň 75-nji minutynda tapawutlandy. Şeýle-de Leroý Sane iki gola (4, 90), ätiýaçdan oýna goşulan Matis Tell bolsa bir gola (90+4) awtorlyk etdi.
Ýeri gelende bellesek, Garri Keýn awgust aýynda tutuş karýerasyny geçiren kluby bolan «Tottenhem» bilen hoşlaşyp, «Bawariýanyň» düzümine goşulypdy. Sport neşirleriniň ýazmagyna görä, bu transfer üçin «Bawariýa» «şporlara» 100 million ýewrodan gowrak töleg geçiripdir
