Hilli we sagdyn tohumlar geljekde gowy hasyl almagyň zerur şertleriniň biridir. Tohumlaryň saklanylýan we daşalýan şertleri hem az möhüm däldir, sebäbi olaryň gögeriş ýagdaýy şoňa baglydyr. Russiýanyň «Gawriş» kompaniýasy geljekki hasylyň ýaşaýyş ukyplylygyny we hilini goramaga mümkinçilik berýän ýörite paketli professional gök önüm we gül tohumlaryny hödürleýär.

«Gawrişiň» assortimentinde fermalarda professional derejede ösdürip ýetişdirmek üçin käbir sortlaryň we gibridleriň tohumlary bar. Tohum materiallary gowy edilip seleksiýa geçirilýär, saýlanyp alynýar we dürli toprak hem-de howa şertlerinde synag edilýär.

Kompaniýada tohumlaryň hiline giňişleýin gözegçilik edilýär, ülňülere laýyk gelmeýän tohumlar ýa-da nahallar ulanyşdan aýrylýar, şeýle hem olar geljekde işlemek ýa-da gözleg etmek üçin ulanylmaýar.

Bu önümler kompaniýanyň öz zawodynda ýokary derejedäki arassalaýyşdan geçirilip işlenilýär, bu ýerde tohum mehaniki hapalardan arassalanýar we ölçegine görä kalibrlenýär, zerur bolan ýagdaýynda bolsa tohumlara zeper ýetmeginiň öňüni almak üçin termiki ýa-da kömelejiklere garşy işler geçirilýär.

«Gawriş» kompaniýasynda tohum materiallarynyň gaplanylyşy ykjam ýerine ýetirilýär. «Gawrişiň» professional gaplamasy (iki polimer gatlak we bir folga gatlagy) tohumlary uzak wagtlap saklamaga mümkinçilik berýär, daşky täsirlerden goraýar we tohumlar barada möhüm maglumatlary özünde jemleýär: görnüşiň ady, sortuň ýa-da gibridiň ady, synpy we kategoriýasy, şeýle hem ulanylyş maksatlary, hasyl ýyly we tohumyň gaplanan senesi.

Kompaniýanyň önümlerini galplyklardan goramak üçin «Gawriş» tohumlary mydama materialyň hiline täsir etmeýän birýuza boýagy bilen boýalýar.

«Gawriş» kompaniýasynyň Türkmenistandaky wekili, telekeçi Rahat Akylyýew 2021-nji ýyldan başlap, türkmen daýhanlaryna we ösümlik ýetişdirýänlere hyýar, turp, pomidor, jaň burç ýaly ýyladyşhanalarda we açyk şertlerde ösdürilip ýetişdirilip bilinjek ösümlik ekinleriniň ýokary hilli tohumlaryny hödürläp gelýär. Häzirki wagtda olardan aşakdaky gibrid sortlary bar:

• «Ibn Sina», «Karina», «Al birun», «Karym», «Barez» (hyýar);
• «Nýu-Wasýuki», «Samuraý» (pomidor);
• «Rembo», «Wiraž» (turp);
• «Samson» (bolgar burçy).

Tohum materiallaryny satyn almaga lomaý we bölek alyjylar söwda hyzmatdaşlygyna çagyrylýar.

Habarlaşmak üçin: (+993 65) 08 00 50, (+993 64) 40 79 40.