Girmek
Belarus Respublikasynyň Grodno şäherinde geçirilýän GDA ýurtlarynyň II oýunlarynda Türkmenistanyň ýygyndysy ýene bir medala mynasyp boldy. Agyr atletika boýunça geçirilen 55 kilograma çenli agram derejesindäki oglanlaryň ýaryşynda Ali Babamuradow tapawutlandy.
Iki görnüşiň jemi boýunça 215 kilogram (95+120) agyrlygy götermegi başaran Ali Babamuradow ýaryşyň kümüş medalyna mynasyp boldy.
55 kilograma çenli agram derejesinde 240 kilogram (110+130) netije görkezen özbek türgeni altyn medal gazandy. 194 kilogram (88+106) agyrlygy galdyran belarusly agyr atletikaçy Grigoriý Wertinskiý bürünç medala mynasyp boldy.
Ozal Ýulduz Jumabaýewanyň 49 kg-e çenli agramda geçen agyr atletika ýaryşynda kümüş medal gazanandygy barada habar beripdik.