Girmek
Režissýor Maýkl Mannyň «Ferrari» atly terjimehal dramasy 80-nji Wenesiýa kinofestiwalynyň ýapylyş dabarasynda görkeziler diýip, «IndieWire» neşirine salgylanýan «Gazeta.ru» ýazýar.
Aktýor Adam Draýweriň baş keşpde çykyş etmeginde surata alnan filmde wakalar 1957-nji ýylyň tomsunda bolup geçýär. Şol döwür maşgala kynçylyklaryny başdan geçirýän awtoulag ýaryşlarynyň öňki türgeni Ferrariniň kompaniýasyna batmak howpy abanýar.
Ol umydyny ýitirip, «Mille Miglia» atly meşhur ulag ýaryşyna gatnaşmaga mejbur bolýar.
Filmde Laura Ferrariniň keşbinde Penelopa Kruz çykyş edýär. Filmiň esasynda žurnalist Brok Ýets tarapyndan ýazylan Enso Ferrariniň terjimehaly ýatýar.
Wenesiýa kinofestiwaly 30-njy awgust — 9-njy sentýabr aralygynda Lido adasynda geçer.