Eýranly türkmen, futbolçy Serdar Azmun Dünýä kubogy ― 2026-nyň ikinji saýlama tapgyrynyň bije çekişliginden soňra jemgyýetçilik torlarynyň birindäki hasabynda ýazgy paýlaşdy.

Ol öz ýazgysynda: «Ýakynda duşuşýançak, Türkmenistan!» diýip ýazdy.

Ozal hem habar berşimiz ýaly, Eýranyň ýygyndysy «E» toparçada türkmen ýygyndysynyň bäsdeşi bolar. Bu toparçada Özbegistanyň ýygyndysy hem bar. Toparçanyň dördünji wekili bolsa Gonkong ― Butan duşuşygynyň ýeňijisi bolar.

Saýlama tapgyryň çägindäki Türkmenistan ― Eýran duşuşyklarynyň ilkinjiisi 2024-nji ýylyň 21-nji martynda Eýranda, jogap duşuşygy 26-njy martda Türkmenistanda bolar.