Türkmenistanyň Futbol federasiýasynyň resmi web saýty Marynyň «Merw» futbol toparynyň düzümine täze goşulan futbolçylar barada habar berdi.
Ozal hem ýazylyşy ýaly, Gyrgyzystanyň «Neftçi» futbol toparynyň hüjümçisi Myrat Ýagşyýew indi futbol ýoluny «Merwde» dowam eder.
Şeýle hem topar «Ahalyň» goragçysy Şazada Bäşimow bilen «Energetik» toparynda çykyş eden Aly Sytdyhowy düzümine goşdy.
Mundan başga-da, “Merw” topary geljegine umyt bildirilýän ýaş oýunçylaryň hem birnäçesi bilen şertnama baglaşdy.
Ýeri gelende bellesek, Mary şäheriniň «Merw» topary Türkmenistanyň futbol çempionatynyň birinji aýlawynyň jemi boýunça geçiren 8 duşuşygynda toplan 5 utugy bilen ýaryş tertibinde 8-nji orny eýeleýär. «Merw» 15-nji awgustda Gyrgyzystanyň «Alaý» futbol topary bilen AFK-nyň kubogynyň saýlama duşuşygyny geçirer.
