Aşgabatdaky «ImdatBot» çagalar üçin robototehnika merkezi mekdep okuwçylaryny iki günlük «Imdatbot RoboCamp» tomusky okuw-dynç alyş ýygnanyşygyna çagyrýar.
Tomusky dynç alyş möwsüminde çagalar wagtyny peýdaly geçirerler we robototehnikanyň hem-de programmirlemegiň esasy ugurlary – oýunlary döretmek, «Codey Rockey» we «mBot» robotlaryny düzmek hem-de programmirlemek, «Scratch» dilinde blokly programmirlemegiň esaslary bilen tanşarlar, şeýle hem «Laserbox» lazer stanogynyň kömegi bilen dürli önümleri döretmegi öwrenerler. Ýygnanyşyga gatnaşyjylaryň göwün açmaklary üçin robo-futbol we robo-sumo boýunça ýaryşlar geçiriler.
Möwsüm tamamlanandan soňra bäsleşikleriň ýeňijilerini sylaglamak dabarasy geçiriler, mundan başga-da, çaga bu ýede ýerine ýetiren ähli taslamalaryny ýany bilen alyp biler.
Tomusky okuw-dynç alyş ýygnanyşygynda sapaklar her gün, ýekşenbe gününden galan günlerde, sagat 9:00-dan 13:00-a çenli çaý we günotanlyk üçin gysga arakesmeler bilen geçirilýär.
6 ýaşdan başlap mekdep okuwçylary çagyrylýar. Oňa gatnaşyjylar ýaş aýratynlygyna göä iki topara – 6 – 9 ýaş aralygyndakylar we 10 ýaşdan ulular toparlaryna bölünýär. «Imdatbot RoboCamp» okuw-dynç alyş ýygnanyşygyna gatnaşmagyň bahasy 1200 manat.
Iki sany tomusky möwsüm üçin orunlar galdy:
- 31-nji iýuldan – 12-nji awgust aralygy;
- 14-nji awgustdan – 26-njy awgust aralygy.
«Imdatbot RoboCamp» tomusky okuw-dynç alyş ýygnanyşygyna ýazylmak üçin telefon belgileri: (+993 12) 41 42 52, (+993 62) 90 00 69.
Salgysy: Aşgabat, Atamyrat Nyýazow (öňki Çehow) köç., 147.
Şeýle hem «ImdatBot» merkezi isleg bildirýänleri mekdep okuwçylary üçin robototehnika boýunça açyk sapaklara gatnaşmaga çagyrýar.
Myhmanlar üçin «ImdatBot» merkezi bilen tanyşlygy, zehini ösdüriji oýunlary, «Codey Rockey» we «mBot» robotlary bilen tanyşlygy hem-de «Scratch» dilinde programmirlemegiň esaslary bilen gysgaça tanyşlygy öz içine alýan özüne çekiji maksatnama garaşýar. Şeýle hem isleg bildirýänler robotlaryň bäsleşiklerine gatnaşyp bilerler.
«ImdatBot» merkezinde açyk sapaklar 30-njy iýulda sagat 10:30-da, 11:45-de we 13:00-da geçiriler. Her sapagyň dowamlylygy – 1 sagat. Giriş mugt.
Çagaňyzy «ImdatBot» merkezindäki açyk sapaga ýazdyrmak üçin şu salgyda uly bolmadyk maglumatnamany (anketany) doldurmak ýa-da telefon belgilerine jaň etmek arkaly ýüz tutup bilersiňiz: (+993 12) 41 42 52 we (+993 62) 90 00 69.
Şeýle-de okaň:
