Görnükli režissýor Kristofer Nolan «Happy Sad Confused» internet neşirine beren interwýusynda Leonardo DiKaprionyň baş keşbi janlandyran «Başlangyç» filminiň soňuny düşündirmekde asgynjaňlyk çekýändigini boýun aldy diýip, «Gazeta.ru» ýazýar.
«Meniň pikirimçe, filmiň soňlanmasyny iň gowy düşündiren Emma (Nolanyň aýaly) boldy. Jemleýji sahnanyň manysy: DiKaprionyň gahrymanynyň indi hiç zat parhyna däl» diýip, režissýor gürrüň berdi.
Nolanyň pikiriçe, DiKaprionyň gahrymany öz çagalarynyň arasyna dolananda ähli zat tamamlandy. Ol ahyry öz bagtyny tapdy.
Režissýor öz filmleriniň jemlemesini tomaşaçylaryň uzak ýyllar ara alyp maslahatlaşýandyklarynyň özüne ýaraýandygyny sözüniň üstüne goşdy.
«Başlangyç» filmi 2010-njy ýylda ekranlara çykdy. Ol IMDb wersiýasy boýunça 250 sany iň gowy filmiň arasynda ilkinji 20-lige girýär.
