Singapuryň pasporty «Henley Passport Index» reýtingi boýunça dünýäde 2023-nji ýylda iň güýçli pasport hökmünde yglan edildi, onuň eýeleri ygtyýarnamasyz (wizasyz) 192 ýurda baryp bilýärler.
Sanawda ikinji orunda Germaniýanyň, Italiýanyň we Ispaniýanyň pasportlary ýerleşdi diýip, «News.ru» ýazýar. Bu ýurtlaryň pasportlarynyň eýeleri ygtyýarnama resmileşdirmezden, 190 ýurda baryp bilýärler. Üçünji orunda Ýaponiýanyň, Awstriýanyň, Finlýandiýanyň, Günorta Koreýanyň we Şwesiýanyň pasportlary ýerleşdi, bu döwletleriň raýatlary 189 ýurda baryp bilerler.
«Arton Capital» konsalting firmasy bolsa, iň «güýçli» pasport hökmünde Birleşen Arap Emirlikleriniň pasportyny yglan etdi.
