«Türkmenistan» döwlet täjirçilik banky 29-njy iýunda Aşgabatdan 30 kilometr uzaklykda döwlet ähmiýetli Arkadag şäheriniň açylmagy mynasybetli «Arkadag şäheri — halkyň buýsanjy» atly täze möhletli goýum üçin serişdeleri kabul edip başlady. Bu barada «Türkmenistan» gazetinde habar berildi.
Goýumyň esasy artykmaçlyklary şulardan ybarat:
- goýumyň göterim derejesiniň ýokarlanmagy, ýagny pul serişdesiniň goýumda durjak ähli döwri üçin 11 göterim;
- goýumyň üstüni nagt däl görnüşde doldurmak mümkinçiligi;
- goýumyň hereket edýän ähli döwründe kepillendirilen girdejisi.
Goýum 1 ýyl möhlete açylýar. Goýumyň iň az möçberi 500 manat bolup, aňryçäk möçberi çäklendirilmeýär. Täze goýum 2023-nji ýylyň 31-nji awgustyna çenli kabul edilýär.
«Arkadag şäheri — halkyň buýsanjy» goýumy barada jikme-jik maglumat «Türkmenistan» döwlet täjirçilik bankynyň www.tnbk.tm resmi web sahypasynda, bankyň ofislerinde elýeterlidir.
Goşmaça maglumat üçin şu telefon belgilerine jaň edip bilersiňiz:
- (+993 12) 44 02 80, 44 03 04.
