«Apple» kompaniýasynyň «AirPods» gulaklyklarynda eşidişiň derejesini barlamak we bedeniň temperaturasyny ölçemek mümkinçiligi peýda bolar diýip, «Bloomberg» agentligi habar berýär. Mundan başga-da, «AirPods» gulaklyklary eşidişi pes adamlar tarapyndan eşidiş enjamy hökmünde peýdalanylyp bilner.
Gulaklyklar eýesiniň nähili kabul edýändigini barlamak üçin dürli sesleri çykarar. Şeýle hem olarda ýörite temperatura datçikleri ýerleşdiriler, mundan başga-da, enjam eýesinde sowuklamanyň bardygyny ýa ýokdugyny hem kesgitläp biler.
«Akylly» gulaklyklaryň peýda boljak anyk senesi heniz mälim edilmedi, işläp düzüjiler munuň ýakyn wagtda bolmajakdygyny habar berýärler – enjama lukmançylyk tehnologiýalarynyň girizilmegi birnäçe aýdan birnäçe ýyla çenli dowam wagt alyp biler.