2023-nji ýylyň 25 – 27-nji oktýabrynda Aşgabatda «Türkmenistanyň nebiti we gazy» atly XXVIII halkara maslahaty geçiriler.
Bu çäre «Türkmengaz», «Türkmennebit» döwlet konsernleriniň, Türkmenistanyň Söwda-senagat edarasynyň we «Türkmenengeologiýa» döwlet korporasiýasynyň «Türkmen Forumy» hojalyk jemgyýeti bilen bilelikde guramagynda, «GafneyCline» kompaniýasynyň goldawy bilen geçirilýär.
Maslahatyň we serginiň maksady energetika pudagynyň mundan beýläk-de durnukly ösüşi boýunça sebitleýin gepleşikleri güýçlendirmekden, ählumumy energetika ulgamynyň soňky gazananlaryny gözden geçirmekden we Türkmenistanyň nebit-gaz pudagyna göni daşary ýurt maýa goýumlaryny çekmek üçin mümkinçilikleri giňeltmekden ybarat bolar.
Maslahat bilen ugurdaş geçiriljek «OGT EXPO» sergisiniň ýerli we ählumumy nebit-gaz pudagynyň iň gowy üstünliklerini özünde jemlenmegine garaşylýar.
Halkara forumyň çäginde geçiriljek işewürlik duşuşyklary bolsa hyzmatdaşlaryň Türkmenistanyň ýangyç-energetika, nebithimiýa toplumlaryna täze maýa goýum taslamalary barada habardarlyk derejesini ýokarlandyrar.
