Dünýäde Garri Potter atly jadygöý oglanjyk barada filmlere esaslanýan üsti ýapyk iň uly tematiki seýilgäh Tokioda açyldy diýip, «Japan Times» neşirine salgylanýan «Interfax.ru» ýazýar.
Seýilgäh Ýaponiýanyň paýtagtynyň Nerima etrabynda ýerleşip, 30 müň inedördül metri tutýar. Öň bu ýerde Tokioda iň uly attraksion seýilgähi ýerleşýärdi, ol 2020-nji ýylyň awgustynda 100 ýyl ulanylandan soňra ýapyldy.
«Warner Bros. Studios Japan» tarapyndan dolandyrylýan täze seýilgähe deslapky sargyt boýunça girip bolýar. Petekleriň bahasy 18 ýaşlylar we ondan ulular üçin 6,3 müň iýen (45 dollar), 12-17 ýaşly ýetginjekler üçin 5,2 müň iýen we 4-11 ýaşdaky çagalar üçin 3,8 müň iýene deň.
Tematiki seýilgähiň garbanyşhanalarynda guşluk çaýyny içip bolýar, şeýle-de britan naharlaryny, meselem, gowrulan balykly ýeralmadan garbanyp bolýar. Bu ýerde müşderilere Potter barada filmlerden ruhlanyp döredilen içgiler hem hödür edilýär.
Garri Potter iňlis ýazyjy zenany Joan Rouling tarapyndan döredilen, bütin dünýäde meşhur edebi gahrymandyr.
